SIGNATURE

നിള ഉഷ്ണകാലങ്ങളിൽ നീ ഗംഗയെ തപംചെയ്യുന്നു, അവശേഷിച്ച ജലകണങ്ങളെ ആത്‌മാഹുതി നല്കിക്കൊണ്ട്. വരും വർഷകാലങ്ങളിൽ പരകായം ചെയ്ത് അലതല്ലിയൊഴുകാൻ, അവശേഷിപ്പുകളെയെല്ലാം മോക്ഷ പ്രാപ്ത്തിയിലെത്തിക്കാൻ. ഒടുവിൽ ഉത്തരായനത്തിൽ നേർത്ത്, ഉറവ വറ്റി വീണ്ടും ഗംഗയെ ശരണം പ്രാപിക്കുന്നു. മോക്ഷത്തിനായി നിന്നെ തപംചെയ്യുന്ന പോലെ. നനവ് രാത്രിയെപ്പോഴോ മഴ പെയ്തിരിക്കണം, മുറ്റത്തെല്ലാം നനവ് പടർന്നിരിക്കുന്നു. തലയിണയിലെപ്പോലെ. ജലകണങ്ങൾക്ക് ഓർമ്മകൾ ഉണ്ടെന്ന് പണ്ടേതോ കഥയിൽ വായിച്ചിട്ടുണ്ട്. ജന്മാന്തരങ്ങളിൽ അവ പല വഴിയേ ഒഴുകുന്നുണ്ടത്രേ! മഴയായി, പുഴയായി, കണ്ണുനീരായി. അങ്ങനെ എത്രയെത്ര വേഷപ്പകർച്ചകൾ!  വേനൽ പ്രത്യാശയുടെ തീർത്ഥം ഈ തരിശുഭൂവിൽ ഇനിയും തളിക്കരുത്. പടരുവാൻ വെമ്പി മുളപൊട്ടിയതെല്ലാം ഈ ഊഷരഭൂവിൽ മൃതിയടഞ്ഞുപോയി. ഋതുക്കളോട് പ്രതികരിക്കാത്ത, ഉർവരതയുടെ കനിവ് കിട്ടാത്ത വേനൽ മാത്രമാണിവിടം. ശരണാഗതി ഇനി നീ നിൻ മിഴിയിണകളിലെ മൺചെരാത് തെളിക്കൂ. ഇനിയും മന്ദസ്മിതം പൊഴിക്കൂ. ഓർക്കപ്പെടാതിരിക്കാനാണെനിക്കേറ്റമിഷ്ടം. ഓർക്കാപ്പുറത്തു പോലും. ഒരു വേള മൃതിതൻ മാർദ്ദവത്തിൽ ഞാനാ മഗ്നനയാൽ, മറവിതൻ മാനത്തു നീ ശരണാഗതി തേടൂ… ചിന്തയുടെ ഏടുകൾ അല...

The dial of destiny is ticking,  And I'm in a vain hurry, I don't know where this road is taking me, I don't know what's there at the end. I'm drifting across the time plane, Anxious and in haste, Searching for a purpose, Yearning for completeness, Though I don't yet know what completeness is!

എന്നിരിന്നാലും നീ എന്നെ ഓർക്കേണ്ടതായിരുന്നു മങ്ങിയ ഭൂതകാലത്തിന്റെ അരണ്ട വെളിച്ചത്തിലെങ്കിലും നീയെന്നെ തിരിച്ചറിയണമായിരുന്നു ഓർമ്മകളുടെ അയനങ്ങളിലൊന്നിലെങ്കിലും നിനക്കെന്നെ തിരയാമായിരുന്നു എന്നെക്കണ്ടെത്താൻ നിനക്കെളുപ്പമായിരുന്നു വിസ്മൃതിയിലാണ്ടു പോകുന്ന ഓർമ്മകൾക്ക് ഒരു കച്ചിത്തുരുമ്പ് തന്നാൽ മാത്രം മതിയായിരുന്നു അപ്പോൾ നീ നിസ്സംഗതയുടെ വിലങ്ങുകളെ കൈകളിൽ അണിഞ്ഞു അങ്ങനെ ഞാൻ ഭ്രഷ്ടനായി, നിന്റെ ഗൃഹാതുരതയുടെ കോവിലിൽ നിന്ന്

Once an angel fell in love with a demon That pristine love kindled his emotions He became more and more refined by this love As time passed their love blossomed Being an inmate of Hell, he was forbidden to love an angel And for an angel it was a sin  For Hell always waged war with Heaven Nevertheless the lovers made frequent trysts But one day both of them were caught red-handed  The Lord of the hell banished him to earth for sometime The God of the heaven tried the angel And put a curse on her That she should live a life on the earth Both the angel and demon born on the earth Without knowing anything about the past Years passed And at the inception of their youth, They met each other They were bound together by the aura of love They loved, loved and loved again And they got married They were contented even in their hard times And they spread light around them And helped the helpless and hapless But their sojourn on the earth was about end And at an appointed time the the deat...

ചിലപ്പോൾ നിശബ്ദത ഒരു മരമാകാറുണ്ട്. ധാരാളം ചില്ലകളുള്ള, വേരുകൾ ആഴത്തിലൂന്നിയ നിസ്സംഗതയുടെ ഒരു മഹാവൃക്ഷം ചിലപ്പോൾ നിശബ്ദത ഒരു പുഴയാകാറുണ്ട്. പതിഞ്ഞെഴുകുന്ന ശാന്തിയുടെ തെളിനീരൊഴുക്കുന്ന നദി ചിലപ്പോൾ നിശബ്ദത നിശയാകാറുണ്ട്. എല്ലാം മറച്ചു പിടിക്കുക്കുന്ന, ഒന്നിനെയും വ്യക്തമാക്കാത്ത, സഹനത്തിലും പൊഴിക്കുന്ന ചിരിപോലെ ഒന്ന് ചിലപ്പോൾ നിശബ്ദത ഒരു ഭാഷയാവാറുണ്ട്.  ചിലർക്കു മാത്രം ചിരപരിചിതമായ ഒരു ഭാഷ ചിലപ്പോൾ നിശബ്ദത മരണമാകാറുണ്ട്. ആർക്കും പിടിതരാത്ത മൂകമായ ശൂന്യത പോലെ

അങ്ങനെയിരിക്കെ ഒരു ദിവസം ചരിത്രം ഇടിഞ്ഞു വീണു അടിത്തറയ്ക്ക് ബലമില്ലാത്തതുകൊണ്ടാണെന്ന് ചിലർ കെട്ടിപ്പടുത്ത പലരേയും ഒഴിവാക്കിയതിൻ്റെ ശാപംകൊണ്ടാണെന്ന് മറ്റു ചിലർ വീണ്ടും പടത്തുയർത്തണമെന്ന് യഥാസ്ഥിതികർ ചരിത്രം അനാവശ്യവും ബാധ്യതയുമാണെന്ന് ചില പുരോഗമന വാദികൾ രാജ്യതാല്പര്യത്തിനനുസരിച്ച് മാറ്റിപ്പണിയണമെന്ന് ദേശിയതാ വാദികൾ നീതിബോധമില്ലാത്തതും പക്ഷപാതപരവുമാണെന്ന് വിപ്ലവകാരികൾ മാറ്റമില്ലാതെ പടുത്തുയർത്തണമെന്ന് ചരിത്രകാരൻമാർ തങ്ങളുടെ ആളുകൾക്ക് കൂടുതൽ ഇടം നൽകണമെന്ന് സമുദായ നേതാക്കൾ മികവുറ്റ രീതിയിൽ പണിതു തരാമെന്ന് ബഹുരാഷ്ട്ര കമ്പനികൾ പുതിയ ചരിത്രം തങ്ങൾ ഉദ്ഘാടനം ചെയ്യുമെന്ന് ഭരണപക്ഷം ചരിത്രം മാപ്പു നൽകില്ലെന്നു പ്രതിപക്ഷം അങ്ങനെ പോയി വാദങ്ങളും പ്രതിവാദങ്ങളും അപ്പോഴും ചരിത്രമവിടെക്കിടക്കുകയായിരുന്നു ചിതലരിച്ചുകൊണ്ട്